ਵਿੰਨੀਪੈਗ ( ਸ਼ਰਮਾ)- ਬੀਤੇ ਦਿਨੀ ਵਿੰਨੀਪੈਗ ਮੈਪਲ ਤੋ ਐਮ ਐਲ ਏ ਮਿੰਟੂ ਸੰਧੂ ਵਲੋ ਆਪਣੇ ਹਲਕੇ ਦੇ ਨਿਵਾਸੀਆਂ ਨਾਲ ਇਕ ਮੀਟਿੰਗ ਤੇ ਰੀਫਰੈਸ਼ਮੈਂਟ ਪਾਰਟੀ ਕੀਤੀ ਗਈ। ਇਸ ਦੌਰਾਨ ਸਿਹਤ ਸਹੂਲਤਾਂ, ਸਿੱਖਿਆ, ਅਫੋਰਡੇਬਿਲਟੀ, ਬੁਨਿਆਦੀ ਢਾਂਚੇ ਦੇ ਵਿਸਥਾਰ ਅਤੇ ਮੈਨੀਟੋਬਾ ਪ੍ਰੋਵਿਸ਼ੀਅਲ ਨੌਮੀਨੀ ਪ੍ਰੋਗਰਾਮ ਨੂੰ ਇਮੀਗ੍ਰੇਸ਼ਨ ਲਈ ਹੋਰ ਸੌਖਾਲਾ ਬਣਾਉਣ ਤੇ ਹੋਰ ਕਈ ਜਨਤਕ ਮੁਦਿਆਂ ਉਪਰ ਵਿਚਾਰਾਂ ਹੋਈਆਂ। ਇਸ ਮੌਕੇ ਐਮ ਐਲ ਏ ਦਿਲਜੀਤ ਬਰਾੜ ਨੇ ਵੀ ਹਾਜ਼ਰੀ ਭਰੀ। ਐਮ ਐਲ ਏ ਮਿੰਟੂ ਸੰਧੂ ਨੇ ਆਏ ਮਹਿਮਾਨਾਂ ਤੇ ਹਲਕਾ ਨਿਵਾਸੀਆਂ ਦਾ ਪ੍ਰੋਗਰਾਮ ਵਿਚ ਸ਼ਾਮਿਲ ਹੋਣ ਲਈ ਧੰਨਵਾਦ ਕੀਤਾ।
