ਪਹਿਲਾ ਸ਼ੋਅ ਐਬਟਸਫੋਰਡ ਚ 6 ਮਈ ਨੂੰ
ਸਰੀ (ਦੇ ਪ੍ਰ ਬਿ)— ਮਸ਼ਹੂਰ ਪੰਜਾਬੀ ਗਾਇਕ, ਅਭਿਨੇਤਾ, ਮਨੋਰੰਜਕ ਹਰਭਜਨ ਮਾਨ 4 ਸਾਲਾਂ ਬਾਅਦ ਆਪਣੇ ਸ਼ੋਅ “ਦ ਸਤਰੰਗੀ ਪੀਂਘ” ਕੈਨੇਡਾ ਟੂਰ 2023 ਦੇ ਨਾਲ ਫਿਰ ਤੋਂ ਹਾਜ਼ਰ ਹੋ ਰਹੇ ਹਨ। ਪਹਿਲਾ ਸ਼ੋਅ ਐਬਟਸਫੋਰਡ ਈਵੈਂਟ ਸੈਂਟਰ ਵਿੱਚ 06 ਮਈ, 2023 ਨੂੰ ਸ਼ੁਰੂ ਹੋਣ ਜਾ ਰਿਹਾ ਹੈ।
ਹਰਭਜਨ ਮਾਨ ਨੇ ਆਪਣੀ ਟੀਮ, ਮੀਡੀਆ, ਸਪਾਂਸਰਾਂ ਨਾਲ 28 ਅਪ੍ਰੈਲ ਨੂੰ ਯੂਨਿਟ 106-8173-128 ਸਟਰੀਟ ਸਰੀ ਵਿਖੇ ਸਤਰੰਗੀ ਪੀਂਘ ਦੇ ਅਧਿਕਾਰਤ ਦਫਤਰ ਦਾ ਉਦਘਾਟਨ ਕੀਤਾ, ਸ਼ੋਅ ਦੀਆਂ ਟਿਕਟਾਂ ਦਫਤਰ ਤੋਂ ਦਿਨ ਦੇ ਸਮੇਂ 12.00 ਤੋਂ ਸ਼ਾਮ 6.00 ਵਜੇ ਤੱਕ ਖਰੀਦੀਆਂ ਜਾ ਸਕਦੀਆਂ ਹਨ। ਉਦਘਾਟਨੀ ਸਮਾਰੋਹ ਵਿੱਚ ਹਰਭਜਨ ਮਾਨ ਨੇ ਆਪਣੇ ਆਉਣ ਵਾਲੇ ਪ੍ਰੋਜੈਕਟਾਂ ਬਾਰੇ ਗੱਲ ਕੀਤੀ ਅਤੇ ਆਪਣੇ ਵਿਜ਼ਨ ਅਤੇ ਕੰਮ ਬਾਰੇ ਵਿਚਾਰ ਸਰੋਤਿਆਂ ਨਾਲ ਸਾਂਝੇ ਕੀਤੇ। ਹੋਰ ਵਧੇਰੇ ਜਾਣਕਾਰੀ ਲਈ ਦਵਿੰਦਰ ਕੰਗ ਨਾਲ 604-618-0052 ‘ਤੇ ਸੰਪਰਕ ਕਰ ਸਕਦੇ ਹੋ।
