ਵੈਨਕੂਵਰ -ਕੋਕੁਇਟਲਮ ਵਿੱਚ ਐਤਵਾਰ ਰਾਤ ਨੂੰ ਹੋਈ ਗੋਲੀਬਾਰੀ ਦੌਰਾਨ ਮਾਰੇ ਗਏ ਨੌਜਵਾਨ ਦੀ ਪਛਾਣ ਕਰਨਵੀਰ ਸਿੰਘ ਗਰਚਾ ਵਜੋਂ ਹੋਈ ਹੈ। ਐਤਵਾਰ ਨੂੰ ਰਾਤ 9.30 ਵਜੇ ਕਰੀਬ ਹੋਈ ਗੋਲੀਬਾਰੀ ਉਪਰੰਤ ਜਦੋਂ ਪੁਲਿਸ ਪੁੱਜੀ ਤਾਂ ਇਕ 25 ਸਾਲਾ ਨੌਜਵਾਨ ਨੂੰ ਜ਼ਖਮੀ ਹਾਲਤ ਵਿਚ ਪਾਇਆ ਗਿਆ। ਅਧਿਕਾਰੀਆਂ ਨੇ ਤੁਰੰਤ ਜਾਨ ਬਚਾਉਣ ਦੇ ਉਪਾਅ ਸ਼ੁਰੂ ਕੀਤੇ, ਪਰ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਪੁਲਿਸ ਦੀ ਅਪਰਾਧ ਸਾਖਾ ਦਾ ਕਹਿਣਾ ਹੈ ਕਿ ਇਹ ਮਿਥਕੇ ਚਲਾਈ ਗਈ ਗੋਲੀ ਦੀ ਘਟਨਾ ਹੈ। ਉਸਨੂੰ ਗੋਲੀ ਮਾਰਨ ਉਪਰੰਤ ਉਥੇ ਸੁੱਟ ਦਿੱਤਾ ਗਿਆ ਸੀ। ਸਾਰਜੈਂਟ ਟਿਮੋਥੀ ਪਿਓਰੋਟੀ ਦਾ ਕਹਿਣਾ ਹੈ ਕਿ , “ਅਸੀਂ ਕਿਸੇ ਵੀ ਵਿਅਕਤੀ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਜਿਸ ਨੇ ਗੋਲੀਬਾਰੀ ਤੋਂ ਪਹਿਲਾਂ ਦੇ ਦਿਨਾਂ ਵਿੱਚ ਸ਼੍ਰੀ ਗਰਚਾ ਨਾਲ ਸੰਪਰਕ ਕੀਤਾ ਸੀ, ਜਿਸ ਵਿੱਚ ਉਸ ਵਾਹਨ ਦਾ ਡਰਾਈਵਰ ਵੀ ਸ਼ਾਮਲ ਸੀ। ਕੋਈ ਵੀ ਗਵਾਹ ਜਾਂ ਰਿਹਾਇਸ਼ੀ, ਵਪਾਰਕ ਜਾਂ ਡੈਸ਼-ਕੈਮਰਾ ਵੀਡੀਓ ਵਾਲਾ ਕੋਈ ਵੀ ਵਿਅਕਤੀ, ਜਿਸ ਨੇ ਅਜੇ ਪੁਲਿਸ ਨਾਲ ਗੱਲ ਕਰਨੀ ਹੈ, ਨੂੰ ਤੁਰੰਤ IHIT ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ।
ਕੋਕੁਇਟਲਮ ਵਿਚ ਮਾਰੇ ਗਏ ਨੌਜਵਾਨ ਦੀ ਪਛਾਣ ਕਰਨਵੀਰ ਗਰਚਾ ਵਜੋਂ ਹੋਈ
