ਸਰੀ ( ਮਹੇਸ਼ਇੰਦਰ ਸਿੰਘ ਮਾਂਗਟ)- ਪਤਝੜ ਸੈਸ਼ਨ ਦੇ ਸ਼ੁਰੂ ਹੁੰਦੇ ਹੀ ਵਿਧਾਨ ਸਭਾ, ਬੀ ਸੀ ਯੂਨਾਈਟਿਡ ਲੀਡਰ ਕੇਵਿਨ ਫਾਲਕਨ ਨੇ ਇੱਕ ਮਜ਼ਬੂਤ ਅਤੇ ਸੰਯੁਕਤ ਟੀਮ ਬਣਾਉਦਿਆ ਆਪਣੀ ਵਚਨਬੱਧਤਾ ਦੀ ਪੁਸ਼ਟੀ ਕਰਦਿਆ ਹਿਊਸਟਨ ਦੇ ਮੇਅਰ ਸ਼ੇਨ ਬ੍ਰਾਇਨੇਨ ਨੂੰ ਨੇਚਾਕੋ ਲੇਕਸ ਲਈ ਬੀ ਸੀ ਯੂਨਾਈਟਿਡ ਉਮੀਦਵਾਰ ਐਲਾਨਿਆ ਹੈ। ਇਸਦੇ ਨਾਲ ਹੀ ਪੀਸ ਰਿਵਰ ਸਾਊਥ ਅਤੇ ਪੀਸ ਰਿਵਰ ਨੌਰਥ ਵਿੱਚ ਦੋ ਮੌਜੂਦਾ ਵਿਧਾਇਕਾਂ, ਮਾਈਕ ਬਰਨੀਅਰ ਅਤੇ ਡੈਨ ਡੇਵਿਸ ਦੀਆਂ ਮੁੜ ਚੋਣ ਲੜਨ ਦੀ ਪੁਸ਼ਟੀ ਕਰਕੇ ਟੀਮ ਨੂੰ ਹੋਰ ਮਜ਼ਬੂਤ ਕੀਤਾ। ਇਸ ਮੌਕੇ ਕੇਵਿਨ ਫਾਲਕਨ ਨੇ ਕਿਹਾ ਕਿ ਹਰ ਟੀਮ ਨੂੰ ਤਜਰਬੇਕਾਰ ਅਤੇ ਨਵੇਂ ਮੈਂਬਰਾਂ ਦੇ ਮਿਸ਼ਰਣ ਦੀ ਲੋੜ ਹੁੰਦੀ ਹੈ, ਅਤੇ ਅੱਜ ਮੈਂ ਮੇਅਰ ਸ਼ੇਨ ਬ੍ਰਾਇਨੇਨ ਨੂੰ ਸਾਡੇ ਸਭ ਤੋਂ ਨਵੇਂ ਬੀ ਸੀ ਯੂਨਾਈਟਿਡ ਉਮੀਦਵਾਰ ਵਜੋਂ ਪੇਸ਼ ਕਰਨ ਲਈ ਬਹੁਤ ਖੁਸ਼ ਹਾਂ ਅਤੇ ਪੁਸ਼ਟੀ ਕਰਦਾ ਹਾਂ ਕਿ ਮਾਈਕ ਬਰਨੀਅਰ ਅਤੇ ਡੈਨ ਡੇਵਿਸ ਦੁਬਾਰਾ ਚੋਣ ਲੜਨਗੇ। “ਸ਼ੇਨ ਦੀ ਆਪਣੇ ਭਾਈਚਾਰੇ, ਉਸਦੇ ਪਰਿਵਾਰ ਪ੍ਰਤੀ ਅਟੁੱਟ ਵਚਨਬੱਧਤਾ, ਅਤੇ ਆਪਣੇ ਖੇਤਰ ਲਈ ਬਿਹਤਰ ਨਤੀਜੇ ਦੇਣ ਲਈ ਉਸਦੀ ਨਿਰੰਤਰ ਦ੍ਰਿੜਤਾ ਉਸਨੂੰ ਨੇਚਾਕੋ ਲੇਕ ਦੇ ਲੋਕਾਂ ਲਈ ਆਦਰਸ਼ ਆਵਾਜ਼ ਬਣਾਉਂਦੀ ਹੈ। ਸ਼ੇਨ ਵਰਗੇ ਨਵੇਂ ਉਮੀਦਵਾਰਾਂ, ਅਤੇ ਮਾਈਕ ਅਤੇ ਡੈਨ ਵਰਗੇ ਤਜਰਬੇਕਾਰ, ਸਮਰਪਿਤ ਉਮੀਦਵਾਰਾਂ ਦੇ ਸੁਮੇਲ ਨਾਲ, ਬੀਸੀ ਯੂਨਾਈਟਿਡ ਐਨਡੀਪੀ ਨੂੰ ਹਰਾਉਣ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਹੱਕਦਾਰ ਨਤੀਜੇ ਪ੍ਰਾਪਤ ਕਰਨ ਲਈ ਚੰਗੀ ਸਥਿਤੀ ਵਿੱਚ ਹੈ।
