ਗੁਰੂ ਰਵਿਦਾਸ ਯੂਨਾਈਟਡ ਟੀਮ ਦੇ 13 ਚੋਂ 12 ਡਾਇਰੈਕਟਰ ਤੇ 7 ਟਰੱਸਟੀ ਚੋਣ ਜਿੱਤਣ ਵਿਚ ਸਫਲ-
ਵੈਨਕੂਵਰ ( ਦੇ ਪ੍ਰ ਬਿ)- ਬੀਤੇ ਦਿਨ ਸ੍ਰੀ ਗੁਰੂ ਰਵਿਦਾਸ ਸਭਾ ਵੈਨਕੂਵਰ ਦੀ ਪ੍ਰਬੰਧਕ ਕਮੇਟੀ ਦੀ ਹੋਈ ਚੋਣ ਵਿਚ ਹਰਜੀਤ ਸੋਹਪਾਲ ਦੀ ਅਗਵਾਈ ਵਾਲੀ ਸ੍ਰੀ ਗੁਰੂ ਰਵਿਦਾਸ ਯੂਨਾਈਟਿਡ ਟੀਮ ਵੱਲੋਂ ਭਾਰੀ ਬਹੁਮਤ ਨਾਲ ਜਿੱਤ ਪ੍ਰਾਪਤ ਕੀਤੀ ਗਈ । ਸਭਾ ਦੇ 13 ਡਾਇਰੈਕਟਰਾਂ ਵਿੱਚੋ 12 ਡਾਇਰੈਕਟਰ ਯੂਨਾਈਟਿਡ ਟੀਮ (ਹਰਜੀਤ ਸੋਹਪਾਲ)ਦੇ ਚੁਣੇ ਗਏ ਜਦੋਂਕਿ ਬਿਲ ਬਸਰਾ ਦੀ ਅਗਵਾਈ ਵਾਲੀ ਰਵਿਦਾਸੀਆ ਟੀਮ ਦਾ ਕੇਵਲ ਇਕ ਡਾਇਰੈਕਟਰ ਹੀ ਚੁਣਿਆ ਗਿਆ। 7 ਟਰੱਸਟੀਆਂ ਦੀ ਚੋਣ ਵਿਚ ਸਾਰੇ 7 ਟਰੱਸਟੀ ਯੂਨਾਈਟਿਡ ਟੀਮ ਦੇ ਜਿੱਤਣ ਵਿਚ ਸਫਲ ਰਹੇ । ਚੋਣ ਨਤੀਜੇ ਆਉਣ ਤੋਂ ਬਾਅਦ ਹਰਜੀਤ ਸੋਹਪਾਲ ਨੇ ਸਾਰੀਆ ਸੰਗਤਾਂ ਅਤੇ ਵਲੰਟੀਅਰਾਂ ਦਾ ਧੰਨਵਾਦ ਕੀਤਾ। ਚੋਣ ਮੁਹਿੰਮ ਦੌਰਾਨ ਪਰਮਜੀਤ ਲਾਖਾ,ਪਰਮ ਸਰੋਆ,ਸੋਢੀ ਦਦਰਾਲ,ਬਲਬੀਰ ਬੈਂਸ,ਬਾਲ ਮੁਕੰਦ ਸਿੰਘ ਵਲੋਂ ਨਿਭਾਈ ਭੂਮਿਕਾ ਦੀ ਵੀ ਸ਼ਲਾਘਾ ਕੀਤੀ ਗਈ ।
