ਜੌਰਜਟਾਊਨ, 27 ਜੂਨ
ਟੀ-20 ਵਿਸ਼ਵ ਕੱਪ ’ਚ ਭਾਰਤ ਤੇ ਇੰਗਲੈਂਡ ਵਿਚਾਲੇ ਅੱਜ ਇੱਥੇ ਖੇਡਿਆ ਜਾਣ ਵਾਲਾ ਸੈਮੀ-ਫਾਈਨਲ ਮੈਚ ਮੀਂਹ ਪੈਣ ਮਗਰੋਂ ਮੈਦਾਨ ਗਿੱਲਾ ਹੋਣ ਕਾਰਨ ਦੇਰੀ ਨਾਲ ਸ਼ੁਰੂ ਹੋਵੇਗਾ। ਮੈਦਾਨ ਗਿੱਲਾ ਹੋਣ ਕਾਰਨ ’ਚ ਟਾਸ ਦੇਰੀ ਹੋ ਰਹੀ ਹੈ। ਜੇ ਮੈਚ ਸ਼ੁਰੂ ਹੁੰਦਾ ਹੈ ਤਾਂ ਦੋਵਾਂ ਟੀਮਾਂ ਲਈ ਘੱਟੋ-ਘੱਟ 10-10 ਓਵਰ ਹੋਣਗੇ ਹਾਲਾਂਕਿ ਮੈਚ ਰੱਦ ਹੋਣ ’ਤੇ ਭਾਰਤ ਬਿਹਤਰ ਰਨ ਔਸਤ ਦੇ ਆਧਾਰ ’ਤੇ ਫਾਈਨਲ ’ਚ ਪਹੁੰਚ ਜਾਵੇਗਾ। ਫਾਈਨਲ ਮੁਕਾਬਲਾ ਸ਼ਨਿਚਵਾਰ ਨੂੰ ਖੇਡਿਆ ਜਾਣਾ ਹੈ। ਦੱਖਣੀ ਅਫਰੀਕਾ ਟੀਮ ਪਹਿਲਾਂ ਹੀ ਫਾਈਨਲ ’ਚ ਪਹੁੰਚ ਚੁੱਕੀ ਹੈ, ਜਿਸ ਨੇ ਸੈਮੀ-ਫਾਈਨਲ ’ਚ ਅਫ਼ਗਾਨਿਸਤਾਨ ਨੂੰ 9 ਵਿਕਟਾਂ ਨਾਲ ਹਰਾਇਆ ਸੀ।
