ਅਲਬਰਟਾ ਦੇ ਖੇਤੀ ਪਾਰਲੀਮਾਨੀ ਸੈਕਟਰੀ ਗਰਾਂਟ ਹੰਟਰ ਤੇ ਸਲਾਹਕਾਰ ਹੈਪੀ ਮਾਨ ਨਾਲ ਮੁਲਾਕਾਤ-
ਐਡਮਿੰਟਨ ( ਗੁਰਪ੍ਰੀਤ ਸਿੰਘ)- ਬੀਤੇ ਦਿਨ ਪੰਜਾਬ ਦੇ ਖੇਤੀਬਾੜੀ ਤੇ ਕਿਸਾਨ ਭਲਾਈ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਦਾ ਇਥੇ ਪੁੱਜਣ ਤੇ ਉਘੇ ਬਿਜਨੈਸਮੈਨ ਕੁਲਵਿੰਦਰ ਸਿੰਘ ਤੂਰ ਤੇ ਹੋਰਾਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਦੌਰਾਨ ਸ ਖੁੱਡੀਆਂ ਨੇ ਅਲਬਰਟਾ ਦੇ ਖੇਤੀ ਖੁਰਾਕ ਵਿਕਾਸ ਬਾਰੇ ਪਾਰਲੀਮਾਨੀ ਸੈਕਟਰੀ ਗਰਾਂਟ ਹੰਟਰ ਨਾਲ ਵਿਸ਼ੇਸ਼ ਮੁਲਾਕਾਤ ਕੀਤੀ । ਦੋਵਾਂ ਆਗੂਆਂ ਨੇ ਪੰਜਾਬ ਅਤੇ ਅਲਬਲਟਾ ਵਿਚਾਲੇ ਖੇਤੀ ਖੇਤਰ ਵਿਚ ਸਹਿਯੋਗ ਲਈ ਸੰਭਾਵਨਾਵਾਂ ਤੇ ਚਰਚਾ ਕੀਤੀ। ਇਸ ਮੌਕੇ ਅਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਦੇ ਸਲਾਹਕਾਰ ਹਰਦਿਆਲ ਸਿੰਘ ਹੈਪੀ ਮਾਨ ਵੀ ਹਾਜ਼ਰ ਸਨ।
