ਸਰੀ ( ਦੇ ਪ੍ਰ ਬਿ)- ਮਿਲੀਅਨ ਸਟੈਪਸ ਫਿਲਮਜ਼ ਦੀ ਪੇਸ਼ਕਸ਼ ਪੰਜਾਬੀ ਮਜ਼ਾਹੀਆ ਫਿਲਮ ‘ਚੋਰ ਦਿਲ’ ਬੀਤੇ ਦਿਨ ਵਿਸ਼ਵ ਭਰ ਦੇ ਸਿਨੇਮਾ ਘਰਾਂ ਵਿਚ ਰੀਲੀਜ਼ ਕੀਤੀ ਗਈ। ਜੰਗਵੀਰ ਸਿੰਘ ਦੁਆਰਾ ਲਿਖੀ ਤੇ ਨਿਰਦੇਸ਼ਿਤ ਇਸ ਫਿਲਮ ਵਿਚ ਮੁਖ ਕਿਰਦਾਰ ਜਗਜੀਤ ਸੰਧੂ, ਫਿਦਾ ਗਿੱਲ, ਰਾਣਾ ਜੰਗ ਬਹਾਦਰ, ਗੁਰਚੇਤ ਚਿਤਰਕਾਰ ਤੇ ਰਵਿੰਦਰ ਮੰਡ ਨੇ ਨਿਭਾਏ ਹਨ। ਬੀਤੇ ਦਿਨ ਇਸ ਫਿਲਮ ਦਾ ਪ੍ਰੀਮੀਅਮ ਸ਼ੋਅ ਕੈਨੇਡੀਅਨ ਡਿਸਟ੍ਰੀਬਿਊਟਰ ਨਵਰੋਜ਼ ਗੁਰਬਾਜ਼ ਐਟਰਟੇਨਮੈਂਟ ਦੇ ਲੱਕੀ ਸੰਧੂ ਵਲੋਂ ਲੈਂਗਲੀ ਸਿਨੇਪਲੈਕਸ ਵਿਖੇ ਆਯੋਜਿਤ ਕਰਵਾਇਆ ਗਿਆ। ਉਘੇ ਕਲਾਕਾਰ ਸਰਬਜੀਤ ਚੀਮਾ ਤੇ ਇਸ ਫਿਲਮ ਵਿਚ ਭੂਮਿਕਾ ਨਿਭਾਉਣ ਵਾਲੇ ਰਵਿੰਦਰ ਮੰਡ ਵਿਸ਼ੇਸ਼ ਰੂਪ ਵਿਚ ਪੁੱਜੇ। ਆਏ ਮਹਿਮਾਨਾਂ ਦਾ ਲੱਕੀ ਸੰਧੂ ਤੇ ਜੋਤੀ ਸਹੋਤਾ ਨੇ ਸਵਾਗਤ ਕੀਤਾ।
