ਕੈਲਗਰੀ ( ਦਲਵੀਰ ਜੱਲੋਵਾਲੀਆ)- ਦਸਮੇਸ਼ ਕਲਚਰ ਸੈਂਟਰ ਕੈਲਗਰੀ ਵਲੋਂ ਪਹਿਲੀ ਵਾਰ ਅਲਬਰਟਾ ਸਿੱਖ ਖੇਡਾਂ 18,19 ਤੇ 20 ਅਪ੍ਰੈਲ 2025 ਨੂੰ ਜੈਨੇਸਿਸ ਸੈਂਟਰ ਕੈਲਗਰੀ ਵਿਖੇ ਕਰਵਾਈਆਂ ਜਾ ਰਹੀਆਂ ਹਨ। ਇਹ ਜਾਣਕਾਰੀ ਦਿੰਦੇ ਹੋਏ ਚੇਅਰਮੈਨ ਗੁਰਜੀਤ ਸਿੰਘ ਸਿੱਧੂ ਤੇ ਜਨਰਲ ਸਕੱਤਰ ਰਵਿੰਦਰ ਸਿੰਘ ਤੱਬੜ ਨੇ ਦੱਸਿਆ ਕਿ ਇਹ ਖੇਡਾਂ, ਭਾਈਚਾਰੇ ਤੇ ਸਿੱਖੀ ਸਪਿਰਟ ਦਾ ਜਸ਼ਨ ਹੋਣਗੀਆਂ। ਉਨ੍ਹਾਂ ਕਿਹਾ ਕਿ ਖੇਡਾਂ ਰਾਹੀ ਸਾਡਾ ਉਦੇਸ਼ ਅਗਲੀ ਪੀੜ੍ਹੀ ਦੇ ਚਰਿੱਤਰ ਨਿਰਮਾਣ ਅਤੇ ਸਿੱਖੀ ਅਸੂਲਾਂ ਤੇ ਚਲਦਿਆਂ ਸਮਾਜਿਕ ਅਗਵਾਈ ਕਰਨ ਲਈ ਪ੍ਰੇਰਿਤ ਕਰਨਾ ਹੈ। ਇਹ ਇਤਿਹਾਸਕ ਸਮਾਗਮ ਸਿੱਖ ਭਾਈਚਾਰੇ, ਸਥਾਨਕ ਖੇਡ ਟੀਮਾਂ ਸਮਰਪਿਤ ਭਾਗੀਦਾਰਾਂ, ਕਾਰੋਬਾਰਾਂ ਤੇ ਵਚਨਬੱਧ ਮੀਡੀਆ ਸੰਗਠਨਾਂ ਦੇ ਸ਼ਾਨਦਾਰ ਸਮਰਥਨ ਤੋਂ ਬਿਨਾਂ ਸੰਭਵ ਨਹੀਂ ਹੋਵੇਗਾ। ਇਸ ਮੌਕੇ ਉਹਨਾਂ ਨਾਲ ਗੁਰਮੇਜ ਸਿੰਘ, ਰਣਧੀਰ ਸਿੰਘ ਪਰਮਾਰ, ਰਾਜਦੀਪ ਸਿੰਘ ਗਰੇਵਾਲ, ਗੁਰਲਾਲ ਸਿੰਘ ਧਾਲੀਵਾਲ, ਪਰਦੁਮਨ ਸਿੰਘ ਗਿੱਲ, ਜਸਵਿੰਦਰ ਸਿੰਘ ਮਿੱਠਾ, ਗੁਰਮੀਤ ਸਿੰਘ ਤੇ ਹੋਰ ਹਾਜ਼ਰ ਸਨ।
