ਕੈਨੇਡਾ ਚੋਣਾਂ ਵਿੱਚ ਗਿੱਲ ਗੋਤ ਦੇ ਉਮੀਦਵਾਰਾਂ ਦੀ ਬੱਲੇ ਬੱਲੇ

ਟੋਰਾਂਟੋ ( ਬਲਜਿੰਦਰ ਸੇਖਾ )-ਪੰਜਾਬ ਵਿੱਚ ਮਾਲਵਾ ਖੇਤਰ ਦੇ ਮਸ਼ਹੂਰ ਸਹਿਰ ਮੋਗਾ ਦੇ ਮੋਹੜੀ ਗੱਡ (ਸ਼ਹਿਰ ਵਸਾਉਣ ਵਾਲੇ )ਸਰਦਾਰ ਮੋਗਾ ਸਿੰਘ ਗਿੱਲ ਸਨ । ਮੋਗਾ ਇਲਾਕੇ ਦੇ ਨਾਲ ਲੱਗਦੇ 42 ਪਿੰਡ ਗਿੱਲਾਂ ਦੇ ਹਨ । ਜਿਹਨਾਂ ਨੂੰ ਮੋਗਾ “ ਬਤਾਲੀਏ “ ਕਿਹਾ ਜਾਂਦੇ ਹੈ । ਹੁਣ ਭਾਵੇਂ ਸਾਰੇ ਪੰਜਾਬ ਵਿੱਚ ਗਿੱਲ ਗੋਤ ਵਾਲੇ ਵੱਸੇ ਹੋਏ ਹਨ ਪਰ ਇਸ ਸਾਲ ਕੈਨੇਡਾ ਦੀਆਂ  ਚੋਣਾਂ ਵਿਚ “ਗਿੱਲ-ਗਿੱਲ ਹੋਈ ਪਈ ਹੈ । ਪੀਅਰ ਪੋਲੀਵਰ ਦੀ ਅਗਵਾਈ ਵਾਲੀ ਕੈਨੇਡਾ ਕੰਸਰਵੇਟਿਵ ਪਾਰਟੀ ਨੇ ਇਹਨਾਂ ਫੈਡਰਲ ਚੋਣਾਂ ਵਿੱਚ ਪਹਿਲੀ ਵਾਰ ਅਠਾਰਾਂ ਦੇ ਕਰੀਬ ਪੰਜਾਬੀ (ਸਿੱਖ) ਆਗੂਆਂ ਨੂੰ ਆਪਣਾ ਉਮੀਦਵਾਰ ਬਣਾਇਆ ਹੈ । ਇਹਨਾਂ ਚੋਣਾਂ ਵਿਚ ਕੈਨੇਡਾ ਵਿੱਚ ਕੰਸਰਵੇਟਿਵ ਪਾਰਟੀ ਵੱਲੋਂ “ਗਿੱਲ “ ਗੋਤ ਦੇ ਉਮੀਦਵਾਰਾਂ ਦੀ ਭਰਮਾਰ ਹੈ। ਗੱਲ ਕੀ ਗਿੱਲਾ ਦੀ ਬੱਲੇ ਬੱਲੇ ਹੋਈ ਪਈ ਹੈ। ਇਹ ਗਿੱਲ ਉਮੀਦਵਾਰ ਇਸ ਪ੍ਰਕਾਰ ਹਨ-

ਦਲਵਿੰਦਰ ਗਿੱਲ-ਕੈਲਗਰੀ ਮੈਕਨਾਈਟ, ਅਮਨਪ੍ਰੀਤ ਗਿੱਲ -ਕੈਲਗਰੀ ਸਕਾਈਵਿਊ, ਹਰਬਿੰਦਰ ਗਿੱਲ -ਵਿੰਡਸਰ ਵੈਸਟ,
ਪਰਮ ਗਿੱਲ-ਮਿਲਟਨ ਈਸਟ—ਹਾਲਟਨ ਹਿਲਜ਼ ਸਾਊਥ,  ਹਰਜੀਤ ਸਿੰਘ ਗਿੱਲ-ਸਰੀ ਨਿਊਟਨ, ਸੁਖਮਨ ਸਿੰਘ ਗਿੱਲ ਐਬਟਸਫੋਰਡ—ਸਾਊਥ ਲੈਂਗਲੀ,
ਅਮਰਜੀਤ ਗਿੱਲ- ਬਰੈਂਪਟਨ ਪੱਛਮੀ ਤੋਂ ਪਾਰਟੀ ਦੇ ਉਮੀਦਵਾਰ ਹਨ ।
ਲਿਬਰਲ ਪਾਰਟੀ ਨਾਲ ਇਸ ਗਹਿਗੱਚ ਮੁਕਾਬਲੇ ਵਿੱਚ 28 ਅਪਰੈਲ ਸ਼ਾਮ ਨੂੰ ਦਸ ਵੱਜ ਤੱਕ ਪਤਾ ਲੱਗ ਜਾਵੇਗਾ ਕਿ ਕਿਹੜੇ ਕਿਹੜੇ “ਗਿੱਲ’ ਗਿੱਲੇ ਜਾਂ ਸੁੱਕੇ ਰਹਿਣਗੇ ।