ਸਰੀ ( ਨਵਰੂਪ ਸਿੰਘ)- ਸਰੀ ਫਲੀਟਵੁੱਡ ਪੋਰਟ ਕੈਲਸ ਤੋਂ ਕੰਸਰਵੇਟਿਵ ਨੌਮੀਨੇਸ਼ਨ ਚੋਣ ਲੜਨ ਵਾਲੇ ਕਰਤਾਰ ਸਿੰਘ ਢਿੱਲੋਂ ਨੇ ਆਪਣੇ ਸਾਥੀਆਂ ਸਮੇਤ ਸਰੀ ਸੈਂਟਰ ਤੋਂ ਕੰਸਰਵੇਟਿਵ ਉਮੀਦਵਾਰ ਰਾਜਵੀਰ ਸਿੰਘ ਢਿੱਲੋਂ ਨੂੰ ਸਮਰਥਨ ਦੇਣ ਦੇ ਨਾਲ ਆਪਣੇ ਸਾਥੀਆਂ ਸਮੇਤ ਉਹਨਾਂ ਦੀ ਚੋਣ ਮੁਹਿੰਮ ਦੀ ਕਮਾਨ ਸੰਭਾਲ ਰਹੇ ਹਨ। ਕਰਤਾਰ ਸਿੰਘ ਢਿੱਲੋਂ ਆਪਣੇ ਮਿਲਾਪੜੇ ਤੇ ਮਿਹਨਤੀ ਸੁਭਾਅ ਕਰਕੇ ਜਾਣੇ ਜਾਂਦੇ ਹਨ। ਉਹਨਾਂ ਨੇ ਆਪਣੀ ਨਾਮੀਨੇਸ਼ਨ ਚੋਣ ਦੌਰਾਨ ਬਹੁਤ ਮਿਹਨਤ ਕੀਤੀ ਸੀ ਭਾਵੇਂਕਿ ਪਾਰਟੀ ਵਲੋਂ ਉਹਨਾਂ ਨੂੰ ਨਾਮੀਨੇਸ਼ਨ ਨਹੀ ਦਿੱਤੀ ਗਈ ਪਰ ਉਹਨਾਂ ਵਲੋਂ ਕੀਤੇ ਗਏ ਕੰਮ ਅਤੇ ਵੱਡੇ ਜਨ ਆਧਾਰ ਕਾਰਣ ਉਹ ਲੋਕ ਮਨਾਂ ਨੂੰ ਜਿੱਤਣ ਵਿਚ ਕਾਮਯਾਬ ਰਹੇ ਹਨ। ਰਾਜਵੀਰ ਢਿੱਲੋਂ ਦੀ ਚੋਣ ਮੁਹਿੰਮ ਨੂੰ ਅਜਿਹੇ ਮਿਹਨਤੀ ਤੇ ਲੋਕ ਆਧਾਰ ਵਾਲੇ ਆਗੂ ਦਾ ਸਮਰਥਨ ਤੇ ਚੋਣ ਮੁਹਿੰਮ ਵਿਚ ਸਹਿਯੋਗ ਵੱਡੇ ਮਾਇਨੇ ਰੱਖਦਾ ਹੈ। ਕਰਤਾਰ ਸਿੰਘ ਢਿੱਲੋਂ ਤੇ ਉਹਨਾਂ ਦੀ ਟੀਮ ਵਲੋਂ ਰਾਜਵੀਰ ਸਿੰਘ ਲਈ ਕੰਮ ਕਰਨਾ ਚੋਣ ਨਤੀਜਿਆਂ ਤੇ ਵੱਡਾ ਅਸਰ ਪਾਵੇਗਾ।
ਸਰੀ ਸੈਂਟਰ ਤੋਂ ਕਰਤਾਰ ਸਿੰਘ ਢਿੱਲੋਂ ਵਲੋਂ ਰਾਜਵੀਰ ਢਿੱਲੋ ਦੀ ਚੋਣ ਮੁਹਿੰਮ ਨੂੰ ਹੁਲਾਰਾ
