ਐਡਮਿੰਟਨ ( ਗੁਰਪ੍ਰੀਤ ਸਿੰਘ)- ਐਡਮਿੰਟਨ ਵਿਚ ਖਾਲਸਾ ਸਾਜਨਾ ਦਿਵਸ ਨੂੰ ਸਮਰਪਿਤ 25ਵਾਂ ਸਾਲਾਨਾ ਮਹਾਨ ਨਗਰ ਕੀਰਤਨ 18 ਮਈ ਦਿਨ ਐਤਵਾਰ ਨੂੰ ਸਜਾਇਆ ਜਾ ਰਿਹਾ ਹੈ। ਗੁਰਦੁਆਰਾ ਮਿਲਵੁੱਡਜ, ਸ੍ਰੀ ਗੁਰੂ ਨਾਨਕ ਗੁਰਦੁਆਰਾ ਅਤੇ ਗੁਰਦੁਆਰਾ ਸਿੰਘ ਸਭਾ ਦੀ ਸਾਂਝੀ ਨਗਰ ਕੀਰਤਨ ਪ੍ਰਬੰਧਕ ਕਮੇਟੀ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਨਗਰ ਕੀਰਤਨ ਗੁਰਦੁਆਰਾ ਸਿੰਘ ਸਭਾ 4504 ਤੋਂ ਪੰਜ ਪਿਆਰਿਆਂ ਦੀ ਅਗਵਾਈ ਹੇਠ ਗੁਰਦੁਆਰਾ ਸਾਹਿਬ ਵਿਖੇ ਸਵੇਰੇ 11.45 ਤੇ ਅਰਦਾਸ ਉਪਰੰਤ 12 ਵਜੇ ਚਾਲੇ ਪਾਵੇਗਾ। ਇਹ ਨਗਰ ਕੀਰਤਨ ਦੁਪਹਿਰ 1.30 ਵਜੇ ਪੋਲਾਰਡ ਮੈਡੋਜ ਪਾਰਕ ( ਨਾਰਥ ਆਫ ਟੀਡੀ ਬੇਕਰ ਸਕੂਲ) ਵਿਖੇ ਪੜਾਅ ਕਰੇਗਾ। ਇਥੇ ਦੋ ਘੰਟੇ ਲਈ ਸਟੇਜ ਸੱਜੇਗੀ ਜਿਸ ਵਿਚ ਰਾਗੀ ਜਥੇ ਅਤੇ ਹੋਰ ਬੁਲਾਰੇ ਗੁਰੂ ਜੱਸ ਤੇ ਇਤਿਹਾਸ ਸਰਵਣ ਕਰਵਉਣਗੇ ਤੇ ਵਿਸਾਖੀ ਦਿਹਾੜੇ ਦੀਆਂ ਸ਼ੁਭ ਇਛਾਵਾਂ ਸਾਂਝੀਆਂ ਕਰਨਗੇ। ਪੋਲਾਰਡ ਮੈਡੋਜ ਪਾਰਕ ਤੋਂ 3.45 ਵਜੇ ਨਗਰ ਕੀਰਤਨ ਮੁੜ ਅੱਗੇ ਚਾਲੇ ਪਾਉਂਦਾ ਹੋਇਆ ਸ਼ਾਮ 4.50 ਵਜੇ ਗੁਰਦੁਆਰਾ ਮਿਲਵੁੱਡਜ 2606 ਮਿਲਵੁੱਡਜ ਰੋਡ ਈਸਟ ਵਿਖੇ ਸੰਪੂਰਨ ਹੋਵੇਗਾ। ਪ੍ਰਬੰਧਕਾਂ ਨੇ ਸੰਗਤਾਂ ਨੂੰ ਵਿਸਾਖੀ ਨਗਰ ਕੀਰਤਨ ਵਿਚ ਸ਼ਰਧਾ ਤੇ ਉਤਸ਼ਾਹ ਨਾਲ ਪੁੱਜਣ ਦੀ ਅਪੀਲ ਕੀਤੀ ਹੈ। ਗੁਰਦੁਆਰਾ ਮਿਲਵੁਡ਼ਜ, ਗੁਰਦੁਆਰਾ ਸਿੰਘ ਸਭਾ ਅਤੇ ਪੋਲਾਰਡ ਮੈਡੋਜ਼ ਪਾਰਕ ਵਿਖੇ ਗੁਰੂ ਕੇ ਲੰਗਰ ਅਤੁੱਟ ਵਰਤਾਏ ਜਾਣਗੇ। ਵਧੇਰੇ ਜਾਣਕਾਰੀ ਲਈ ਸਕੱਤਰ ਸ. ਸੁਰਿੰਦਰ ਸਿੰਘ ਹੂੰਝਣ ਨਾਲ ਫੋਨ ਨੰਬਰ 780-777-3653 ਜਾਂ ਚੇਅਰਮੈਨ ਸ ਹਰਮੇਲ ਸਿੰਘ ਤੂਰ ਨਾਲ ਫੋਨ ਨੰਬਰ 825-343–0868 ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ। ਨਗਰ ਕੀਰਤਨ ਕਮੇਟੀ ਮੈਂਬਰਾਂ ਵਿਚ ਸੁਰਿੰਦਰ ਸਿੰਘ ਹੂੰਝਣ, ਸ ਕਰਨੈਲ ਸਿੰਘ ਭੰਵਰਾ, ਅਵਤਾਰ ਸਿੰਘ ਗਿੱਲ, ਜੁਝਾਰ ਸਿੰਘ ਬੈਂਸ, ਹਰਮੇਲ ਸਿੰਘ ਤੂਰ ਤੇ ਹਰਬੀਰ ਸਿੰਘ ਸੰਧੂ ਆਦਿ ਸ਼ਾਮਿਲ ਹਨ।
