ਬਜੁਰਗਾਂ ਨਾਲ ਭਰੀ ਬੱਸ ਕੈਸੀਨੋ ਜਾ ਰਹੀ ਸੀ ਜਦੋਂ ਹਾਦਸਾ ਵਾਪਰਿਆ-
ਵਿੰਨੀਪੈਗ ( ਸ਼ਰਮਾ)-— ਮੈਨੀਟੋਬਾ ‘ਚ ਟਰਾਂਸ-ਕੈਨੇਡਾ ਹਾਈਵੇਅ ‘ਤੇ ਬਜ਼ੁਰਗਾਂ ਨੂੰ ਲੈ ਕੇ ਜਾ ਰਹੀ ਬੱਸ ਦੇ ਇਕ ਸੈਮੀ ਟਰੇਲਰ ਨਾਲ ਟਕਰਾ ਜਾਣ ਕਾਰਨ 15 ਲੋਕਾਂ ਦੀ ਮੌਤ ਹੋ ਗਈ ਅਤੇ 10 ਹੋਰ ਜ਼ਖਮੀ ਹੋ ਗਏ।ਹਾਦਸੇ ਵਿਚ ਮਾਰੇ ਜਾਣ ਵਾਲੇ ਲੋਕ ਜੋ ਕੈਸੀਨੋ ਜਾਣ ਲਈ ਬੱਸ ਵਿੱਚ ਸਵਾਰ ਸਨ, ਉਨ੍ਹਾਂ ਦੀ ਉਮਰ 58 ਤੋਂ 88 ਦੇ ਵਿਚਕਾਰ ਸੀ। ਉਹਨਾਂ ਵਿਚ 19 ਔਰਤਾਂ ਸਨ ਜਦੋਂ ਕਿ ਛੇ ਪੁਰਸ਼ ਸਨ।
ਇਹ ਬੱਸ ਡਾਉਫਿਨ ਦੇ ਸੀਨੀਅਰਜ਼ ਸੈਂਟਰ ਤੋਂ ਲਗਭਗ 200 ਕਿਲੋਮੀਟਰ ਦੱਖਣ ਵੱਲ ਕਾਰਬੇਰੀ ਦੇ ਇੱਕ ਕੈਸੀਨੋ ਵੱਲ ਜਾ ਰਹੀ ਸੀ। ਸੈਮੀ-ਟ੍ਰੇਲਰ ਹਾਈਵੇਅ 1 ‘ਤੇ ਪੂਰਬ ਵੱਲ ਜਾ ਰਿਹਾ ਸੀ ਅਤੇ ਬੱਸ ਹਾਈਵੇਅ 5 ‘ਤੇ ਦੱਖਣ ਵੱਲ ਜਾ ਰਹੀ ਸੀ।
ਮੈਨੀਟੋਬਾ ਆਰਸੀਐਮਪੀ ਦੇ ਕਮਾਂਡਿੰਗ ਅਫਸਰ ਅਸਿਸਟੈਂਟ ਕਮਿਸ਼ਨਰ ਰੌਬ ਹਿੱਲ ਨੇ ਇਸ ਭਿਆਨਕ ਹਾਦਸੇ ਦੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ “ਅਫ਼ਸੋਸ ਦੀ ਗੱਲ ਹੈ ਕਿ ਇਹ ਮੈਨੀਟੋਬਾ ਅਤੇ ਪੂਰੇ ਕੈਨੇਡਾ ਵਿੱਚ ਇੱਕ ਅਜਿਹਾ ਦਿਨ ਹੈ, ਜਿਸ ਨੂੰ ਇੱਕ ਵੱਡੀ ਤ੍ਰਾਸਦੀ ਵਜੋਂ ਯਾਦ ਕੀਤਾ ਜਾਵੇਗਾ।
ਟਰੱਕ ਆਪਣੀ ਲੇਨ ਵਿਚ ਠੀਕ ਸੀ-
ਮੈਨੀਟੋਬਾ ਆਰਸੀਐਮਪੀ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਹੈ ਕਿ ਇੱਕ ਟਰਾਂਸਪੋਰਟ ਟਰੱਕ ਤੋਂ ਜ਼ਬਤ ਕੀਤੀ ਗਈ ਡੈਸ਼ਕੈਮ ਫੁਟੇਜ ਮੁਤਾਬਿਕ ਬੱਸ ਨੂੰ ਉਸ ਲੇਨ ਵਿੱਚ ਖਿੱਚਿਆ ਗਿਆ ਜਿੱਥੇ ਟਰੱਕ ਨੂੰ ਸੱਜੇ ਪਾਸੇ ਦਾ ਰਸਤਾ ਸੀ। ਸੁਪਰਡੈਂਟ ਨੇ ਸਪੱਸ਼ਟ ਕੀਤਾ ਕਿ ਟਰੱਕ ਆਪਣੀ ਲੇਨ ਵਿਚ ਠੀਕ ਸੀ ਪਰ ਇਹ ਪਤਾ ਨਹੀ ਪਤਾ ਕਿ ਬੱਸ [ਟਰੱਕ ਦੀ] ਲੇਨ ਵਿੱਚ ਕਿਉਂ ਗਈ।
ਲਾਸਨ ਨੇ ਕਿਹਾ ਕਿ ਉਨ੍ਹਾਂ ਨੇ ਅਜੇ ਤੱਕ ਬੱਸ ਦੇ ਡਰਾਈਵਰ ਨਾਲ ਗੱਲ ਨਹੀਂ ਕੀਤੀ ਹੈ, ਜੋ ਵੀਰਵਾਰ ਨੂੰ ਵਿਨੀਪੈਗ ਦੇ ਪੱਛਮ ਵਿੱਚ ਟ੍ਰਾਂਸ-ਕੈਨੇਡਾ ਹਾਈਵੇਅ ‘ਤੇ ਭਿਆਨਕ ਟੱਕਰ ਤੋਂ ਬਚੇ ਨੌਂ ਹੋਰ ਲੋਕਾਂ ਦੇ ਨਾਲ ਹਸਪਤਾਲ ਵਿੱਚ ਦਾਖਲ਼ ਹੈ। ਉਹਨਾਂ ਕਿਹਾ ਕਿ “ਅਸੀਂ ਇਸ ਸਮੇਂ ਕਿਸੇ ਨੂੰ ਦੋਸ਼ੀ ਨਹੀਂ ਠਹਿਰਾ ਰਹੇ ਹਾਂ ਜਾਂ ਕੋਈ ਦੋਸ਼ ਨਹੀਂ ਲਗਾ ਰਹੇ ਹਾਂ।
ਇਸੇ ਦੌਰਾਨ ਟਰੱਕ ਡਰਾਈਵਰ ਨੂੰ ਹਸਪਤਾਲ ਚੋ ਛੁੱਟੀ ਦੇ ਦਿੱਤੀ ਗਈ ਹੈ।
