ਕੈਨੇਡੀਅਨ ਇਮੀਗਰੇਸ਼ਨ ਨੀਤੀ ਵਿੱਚ ਵੱਡੇ ਬਦਲਾਅ ਦੇ ਸੰਕੇਤ

ਓਟਾਵਾ ( ਬਲਜਿੰਦਰ ਸੇਖਾ ) ਅੱਜ ਕਨੇਡਾ ਦੇ ਫੈਡਰਲ ਲਿਬਰਲ ਹਾਊਸਿੰਗ ਮਨਿਸਟਰ ਸ਼ੌਨ ਫਰੇਜ਼ਰ ਨੇ ਵਿਰੋਧੀ ਧਿਰ ਕੰਸਰਵੇਟਿਵ ਪਾਰਟੀ ਦੇ ਆਗੂ ਪੀਅਰ ਪੋਲਿਵਰ ਦੇ ਵਿਚਾਰ ਨਾਲ ਸਹਿਮਤੀ ਪ੍ਰਗਟ ਕੀਤੀ ਹੈ ਕਿ ਹੁਣ ਕੈਨੇਡਾ ਚ ਉਨੇ ਹੀ ਇਮੀਗ੍ਰਾਂਟਸ ਸੱਦਣ ਦੀ ਲੋੜ ਹੈ, ਜਿੰਨੇ ਇੱਥੇ ਘਰ ਬਣ ਰਹੇ ਹਨ ।ਉਨਾਂ ਇਹ ਕਿਹਾ ਹੈ ਕਿ ਇਸ ਸਮੇਂ ਕਨੇਡਾ ਵਿੱਚ ਪੱਕਿਆ ਨਾਲੋ ਕੱਚੇ ਇਮੀਗ੍ਰਾਂਟਸ ਵੱਧ ਆ ਰਹੇ ਹਨ ਜਿਸਨੂੰ ਘੱਟ ਕਰਨਾ ਚਾਹੀਦਾ ਹੈ। ਨਵੇ ਸਾਲ ਵਿੱਚ ਸਰਕਾਰ ਤੇ ਵਿਰੋਧੀ ਧਿਰ ਦੀਆਂ ਪਾਰਟੀਆਂ ਨੇ ਸਰਗਰਮੀਆਂ ਤੇਜ਼ ਕਰ ਦਿੱਤੀਆਂ ਹਨ । ਕਈ ਇਸਨੂੰ ਜਲਦੀ ਚੋਣਾਂ ਨਾਲ ਜੋੜ ਰਹੇ ਹਨ ।