ਬਰੈਂਪਟਨ ( ਮ ਸ ਧਾਲੀਵਾਲ ) – ਸੰਤ ਬਾਬਾ ਊਧੇ ਸਿੰਘ ਗੁਰਦੁਆਰਾ ਅੰਗੀਠਾ ਸਾਹਿਬ ਮੁਖਲਿਆਣਾ ( ਹੁਸ਼ਿਆਰਪੁਰ ) ਵਾਲਿਆਂ ਦੀ ਬਰਸੀ , ਗੁਰਦੁਆਰਾ ਸਾਹਿਬ ਗੁਰੂ ਨਾਨਕ ਸਿੱਖ ਸੈਂਟਰ ਕਾਲੇਡਿਨ ਰੋਡ ਬਰੈਂਪਟਨ ਵਿਖੇ , ਪਿੰਡ ਮੁਖਲਿਆਣਾ ਦੀ ਕਨੇਡਾ ਵਿੱਚ ਰਹਿੰਦੀ ਸਮੂੰਹ ਸੰਗਤ ਵੱਲੋ ਬਹੁਤ ਹੀ ਸ਼ਰਧਾਪੂਰਵਕ ਮਨਾਈ ਗਈ । ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਜਾਣ ਸਮੇਂ ਗੁਰਦੁਆਰਾ ਸਾਹਿਬ ਦੇ ਗ੍ਰੰਥੀ ਸਿੰਘਾਂ ਦੇ ਨਾਲ ਭਾਈ ਸੁਖਵੰਤ ਸਿੰਘ ਪੰਨੂ , ਭਾਈ ਗੁਰਸ਼ੌਂਕ ਸਿੰਘ ਢਿੱਲੋ ਸਾਬਕਾ ਹੈਡ ਗ੍ਰੰਥੀ ਗੁਰਦੁਆਰਾ ਛੇਹਰਟਾ ਸਾਹਿਬ ਅੰਮ੍ਰਿਤਸਰ ਅਤੇ ਮਾਸਟਰ ਜਗਜੀਤ ਸਿੰਘ ਪੰਡੋਰੀ ਕਦ ਵਾਲਿਆ ਨੇ ਭੋਗ ਦੇ ਸ਼ਲੋਕ ਰਸਭਿੰਨੀ ਅਵਾਜ ਵਿੱਚ ਗਾਇਨ ਕਰਦਿਆ ਵਿਸੇਸ਼ ਹਾਜਰੀ ਲਗਵਾਈ । ਇਲਾਕੇ ਦੀਆ ਸੰਗਤਾਂ ਦਰਮਿਆਨ ਪੰਜਾਬ ਤੋੰ ਸੀਨੀਅਰ ਪੱਤਰਕਾਰ ਲਾਇਨ ਡਾ. ਮੁਖਤਿਆਰ ਸਿੰਘ ਧਾਲੀਵਾਲ ਵਿਸੇਸ਼ ਤੌਰ ਤੇ ਹਾਜ਼ਰ ਹੋਏ ਸਨ । ਸ੍ਰੀ ਅਖੰਡ ਪਾਠ ਜੀ ਦੇ ਅੰਮ੍ਰਿਤਮਈ ਬਾਣੀ ਦੇ ਭੋਗ ਤੋਂ ਉਪਰੰਤ ਗੁਰੂ ਜੀ ਦੇ ਲੰਗਰ ਅਤੁੱਟ ਵਰਤਾਏ ਗਏ !
ਮਾਸਟਰ ਜਗਜੀਤ ਸਿੰਘ ,ਗੁਰੂਘਰ ਦੇ ਗ੍ਰੰਥੀ ਸਿੰਘ, ਭਾਈ ਸੁਖਵੰਤ ਸਿੰਘ ਪੰਨੂ ਅਤੇ ਭਾਈ ਗੁਰਸ਼ੌਂਕ ਸਿੰਘ ਢਿੱਲੋ ਗੁਰੂ ਚਰਨਾਂ ਵਿੱਚ ਹਾਜ਼ਰੀ ਲਗਵਾ ਰਹੇ ਹਨ ।
ਬਾਬਾ ਊਧੇ ਸਿੰਘ ਅੰਗੀਠਾ ਸਾਹਿਬ ਮੁਖਲਿਆਣਾ ਵਾਲਿਆਂ ਦੀ ਬਰਸੀ ਸ਼ਰਧਾਪੂਰਵਕ ਮਨਾਈ
