ਸਸਕਾਰ ਤੇ ਅੰਤਿਮ ਅਰਦਾਸ 11 ਫਰਵਰੀ ਨੂੰ-
ਸਰੀ ( ਦੇ ਪ੍ਰ ਬਿ)- ਕੈਨੇਡਾ ਦੀ ਉਘੀ ਸ਼ਖਸੀਅਤ ਅਤੇ ਸਾਬਕਾ ਮੰਤਰੀ ਡਾ ਗੁਲਜ਼ਾਰ ਸਿੰਘ ਚੀਮਾ ਅਤੇ ਚੀਮਾ ਪਰਿਵਾਰ ਵਲੋਂ ਭੇਜੀ ਗਈ ਇਕ ਸੋਗਮਈ ਸੂਚਨਾ ਮੁਤਾਬਿਕ ਉਹਨਾਂ ਦੇ ਸਤਿਕਾਰਯੋਗ ਮਾਤਾ ਸ੍ਰੀਮਤੀ ਅਜੀਤ ਕੌਰ ਚੀਮਾ ਸੁਪਤਨੀ ਸਵਰਗੀ ਸ ਅਜਿੰਦਰ ਸਿੰਘ ਚੀਮਾ ਸਦੀਵੀ ਵਿਛੋੜਾ ਦੇ ਗਏ ਹਨ। ਮਾਤਾ ਜੀ ਲਗਪਗ 95 ਸਾਲ ਦੇ ਸਨ। ਉਹ ਆਪਣੇ ਪਿੱਛੇ ਸਪੁੱਤਰ ਡਾ ਗੁਲਜ਼ਾਰ ਸਿੰਘ ਚੀਮਾ, ਦਿਲਬਾਗ ਸਿੰਘ ਚੀਮਾ, ਗੁਰਲਾਲ ਸਿੰਘ ਚੀਮਾ, ਸਤਿਬੀਰ ਸਿੰਘ ਚੀਮਾ, ਨੂੰਹਾਂ, ਪੋਤਰੇ, ਪੋਤਰੀਆਂ ਤੇ ਭਰਿਆ ਬਾਗ ਪਰਿਵਾਰ ਛੱਡ ਗਏ ਹਨ। ਮਾਤਾ ਜੀ ਦੀ ਮ੍ਰਿਤਕ ਦੇਹ ਦਾ ਅੰਤਿਮ ਸੰਸਕਾਰ ਮਿਤੀ 11 ਫਰਵਰੀ ਨੂੰ ਦੁਪਹਿਰ 1 ਵਜੇ ਰਿਵਰਸਾਈਡ ਫਿਊਨਰਲ ਹੋਮ 7410 ਹੌਪਾਕਟ ਰੋਡ ਡੈਲਟਾ, ਬੀਸੀ ਵਿਖੇ ਕੀਤਾ ਜਾਵੇਗਾ। ਉਪਰੰਤ ਦੁਪਹਿਰ ਬਾਦ 3 ਵਜੇ ਭੋਗ ਤੇ ਅੰਤਿਮ ਅਰਦਾਸ ਗੁਰਦੁਆਰਾ ਨਾਨਕਸਰ , 18691 ਵੈਸਟਮਨਿਸਟਰ ਹਾਈਵੇ, ਰਿਚਮੰਡ ਬੀਸੀ ਵਿਖੇ ਹੋਵੇਗੀ।
ਸੰਖੇਪ ਜੀਵਨ ਵੇਰਵਾ-
ਮਾਤਾ ਅਜੀਤ ਕੌਰ ਦਾ ਜਨਮ 1 ਅਪ੍ਰੈਲ 1930 ਨੂੰ ਜ਼ਿਲ੍ਹਾ ਜੰਮੂ ਦੀ ਤਹਿਸੀਲ ਰਣਬੀਰ ਸਿੰਘ ਪੁਰਾ ਵਿਖੇ ਪਿਤਾ ਸ ਗੁਰਦਿਆਲ ਸਿੰਘ ਔਲਖ ਦੇ ਗ੍ਰਹਿ ਮਾਤਾ ਇਕਬਾਲ ਕੌਰ ਔਲਖ ਦੀ ਕੁੱਖੋਂ ਹੋਇਆ। ਉਹ ਔਲਖ ਪਰਿਵਾਰ ਦੀ ਸਭ ਤੋਂ ਵੱਡੀ ਬੱਚੀ ਸੀ ਜਿਸਦੀ ਪਿੰਡ ਵਿਚ 140 ਸਾਲਾਂ ਦੀ ਸਰਦਾਰੀ ਸੀ । ਉਸਦੇ ਪਰਿਵਾਰ ਵਿੱਚ ਕਿਸਾਨ,ਬਾਗਬਾਨੀ, ਨੌਕਰਸ਼ਾਹ, ਫੌਜ ਦੇ ਅਧਿਕਾਰੀਆਂ ਅਤੇ ਸਿਆਸਤਦਾਨਾਂ ਦੀਆਂ ਪੀੜ੍ਹੀਆਂ ਸ਼ਾਮਲ ਹਨ ਜਿਨ੍ਹਾਂ ਨੇ ਭਾਰਤ ਦੀ ਵੰਡ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਆਪਣੇ ਭਾਈਚਾਰੇ ਵਿੱਚ ਵੱਡਾ ਯੋਗਦਾਨ ਪਾਇਆ ।
ਚੀਮਾ ਪਰਿਵਾਰ, ਜਿਸ ਵਿੱਚ ਉਹਨਾਂਦਾ ਵਿਆਹ ਹੋਇਆ , ਸਿਆਲਕੋਟ (ਸਹਿਜੋਕੇ ਚੀਮਾ) ਜ਼ਿਲ੍ਹੇ ਤੋਂ ਪਰਵਾਸ ਕਰਕੇ ਵੰਡ ਤੋਂ ਬਾਅਦ ਜਿਲਾ ਗੁਰਦਾਸਪੁਰ ਵਿਚ ਆਣ ਵੱਸਿਆ ਸੀ। ਉਹਨਾਂ ਦੀ ਮੰਗਣੀ ਸ ਫੂਲਾ ਸਿੰਘ ਚੀਮਾ ਤੇ ਸਰਦਾਰਨੀ ਰਘਬੀਰ ਕੌਰ ਚੀਮਾ ਦੇ ਸਪੁੱਤਰ ਸ ਅਜਿੰਦਰ ਸਿੰਘ ਚੀਮਾ ਨਾਲ ਵੰਡ ਤੋਂ ਪਹਿਲਾਂ ਹੋਈ ਤੇ ਫਿਰ ਵੰਡ ਤੋਂ ਬਾਦ ਵਿਆਹ ਹੋਇਆ। ਉਹਨਾਂ ਆਪਣੇ ਪਤੀ ਅਜਿੰਦਰ ਸਿੰਘ ਚੀਮਾ ਨਾਲ ਮਿਲਕੇ ਪਰਿਵਾਰ ਲਈ ਪਿਆਰ, ਬੁੱਧੀ ਅਤੇ ਸਮਰਪਣ ਨਾਲ ਭਰੀ ਕਾਮਯਾਬ ਜ਼ਿੰਦਗੀ ਬਣਾਈ ਤੇ ਜੀਵੀ। ਮਾਤਾ ਅਜੀਤ ਕੌਰ ਚਾਰ ਹੋਣਹਾਰ ਬੱਚਿਆਂ ਦੀ ਮਾਂ ਸੀ ਜਿਹਨਾਂ ਵਿਚ – ਦਿਲਬਾਗ ਸਿੰਘ ਚੀਮਾ ਅਤੇ ਉਨ੍ਹਾਂ ਦੀ ਪਤਨੀ ਪਰਮਜੀਤ ਚੀਮਾ, ਡਾ: ਗੁਲਜ਼ਾਰ ਸਿੰਘ ਚੀਮਾ ਅਤੇ ਉਨ੍ਹਾਂ ਦੀ ਪਤਨੀ ਹਰਿੰਦਰਜੀਤ ਚੀਮਾ, ਗੁਰਲਾਲ ਸਿੰਘ ਚੀਮਾ ਅਤੇ ਉਸਦੀ ਪਤਨੀ ਗੁਰਪ੍ਰੀਤ ਚੀਮਾ ਤੇ ਬੇਟੀ ਹਰਪ੍ਰੀਤ ਕੌਰ ਬਾਠ (ਪਤਨੀ ਸਵਰਗੀ ਗੁਰਪ੍ਰੀਤ ਸਿੰਘ ਬਾਠ) ਸ਼ਾਮਿਲ ਹਨ।
ਉਸ ਨੂੰ ਛੇ ਪੜਪੋਤਿਆਂ (ਪੰਜ ਲੜਕੇ ਅਤੇ ਇੱਕ ਲੜਕੀ) ਦੇ ਨਾਲ ਪੰਜ ਪੋਤੇ ਅਤੇ ਤਿੰਨ ਪੋਤੇ-ਪੋਤੀਆਂ ਦੀ ਬਖਸ਼ਿਸ਼ ਹੋਈ ਸੀ, ਇਹ ਸਾਰੇ ਉਸ ਦੀ ਯਾਦ ਅਤੇ ਉਨ੍ਹਾਂ ਵਿੱਚ ਜੋ ਕਦਰਾਂ-ਕੀਮਤਾਂ ਪੈਦਾ ਕੀਤੀਆਂ ਸਨ, ਉਨ੍ਹਾਂ ਨੂੰ ਹਮੇਸ਼ਾ ਯਾਦ ਰੱਖਣਗੇ।
ਅਜੀਤ ਕੌਰ ਇੱਕ ਵੱਡੇ ਅਤੇ ਪਿਆਰ ਕਰਨ ਵਾਲੇ ਪਰਿਵਾਰ ਵਿੱਚੋਂ ਆਈ ਸੀ। ਉਹ ਆਪਣੇ ਅੱਠ ਭੈਣਾਂ-ਭਰਾਵਾਂ ਵਿੱਚੋਂ ਸਭ ਤੋਂ ਵੱਡੀ ਸੀ।ਉਹ ਆਪਣੇ ਪਰਿਵਾਰ ਲਈ ਇੱਕ ਮਾਰਗਦਰਸ਼ਕ ਸ਼ਕਤੀ ਸੀ, ਜੋ ਆਪਣੀ ਸਿਆਣਪ, ਉਦਾਰਤਾ ਅਤੇ ਅਟੁੱਟ ਦ੍ਰਿੜਤਾ ਲਈ ਜਾਣੀ ਜਾਂਦੀ ਸੀ। ਉਸਦੇ ਸਦੀਵੀ ਵਿਛੋੜੇ ਉਪਰੰਤ ਪਰਿਵਾਰ, ਅੰਗਾਂ-ਸਾਕਾਂ ਤੇ ਹੋਰ ਉਸਨੂੰ ਜਾਣਨ ਵਾਲੇ ਲੋਕਾਂ ਵਲੋਂ ਉਸਨੂੰ ਉਸਦੀਆਂ ਮਿੱਠੀਆਂ ਯਾਦਾਂ ਸਮੇਤ ਸਦਾ ਯਾਦ ਰੱਖਿਆ ਜਾਵੇਗਾ। ।
