ਸਿੰਗਾਪੁਰ: ਇਥੋਂ ਦੀ ਅਦਾਲਤ ਨੇ ਛੇੜਛਾੜ ਦੇ ਮਾਮਲੇ ’ਚ ਦੋਸ਼ੀ ਠਹਿਰਾਏ ਜਾਣ ਮਗਰੋਂ ਅੱਜ ਭਾਰਤੀ ਨਾਗਰਿਕ ਨੂੰ 7 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਹੈ। ਇਸ ਦੌਰਾਨ ਘਰ ਦੀ ਭੰਨਤੋੜ ਕਰਨ ਦਾ ਦੋਸ਼ ਵੀ ਵਿਚਾਰਿਆ ਗਿਆ। ਜਾਣਕਾਰੀ ਅਨੁਸਾਰ 22 ਸਤੰਬਰ ਨੂੰ 26 ਸਾਲਾ ਈ. ਅਬਿਨਰਾਜ ਨੇ ਆਪਣੇ ਗੁਆਂਢੀ ਦੇ ਘਰ ਦਾਖਲ ਹੋ ਕੇ ਸੁੱਤੀ ਪਈ 36 ਸਾਲਾ ਔਰਤ ਨਾਲ ਛੇੜਛਾੜ ਕੀਤੀ। ਪੀੜਤ ਨੇ ਤੁਰੰਤ ਪੁਲੀਸ ਨੂੰ ਬੁਲਾਇਆ ਅਤੇ ਜਦੋਂ ਤੱਕ ਪੁਲੀਸ ਪਹੁੰਚ ਨਹੀਂ ਗਈ, ਉਦੋਂ ਤੱਕ ਮੁਲਜ਼ਮ ਉਥੇ ਹੀ ਰਿਹਾ। ਸਰਕਾਰੀ ਵਕੀਲ ਨੇ ਮੁਲਜ਼ਮ ਲਈ ਛੇ ਤੋਂ ਅੱਠ ਮਹੀਨੇ ਕੈਦ ਦੀ ਮੰਗ ਕੀਤੀ ਸੀ ਤੇ ਅਦਾਲਤ ਨੇ 7 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਹੈ। 
ਸਿੰਗਾਪੁਰ: ਛੇੜਛਾੜ ਦੇ ਦੋਸ਼ ਹੇਠ ਭਾਰਤੀ ਨਾਗਰਿਕ ਨੂੰ 7 ਮਹੀਨੇ ਦੀ ਕੈਦ
