ਲਾਸ ਏਂਜਲਸ-ਅੱਜ ਐਤਵਾਰ ਨੂੰ ਕੈਨੇਡਾ ਦੀ ਟੀਮ ਨੇ ਸਾਉਥ ਅਫਰੀਕਾ ਨੂੰ 1-0 ਨਾਲ ਹਰਾ ਕੇ ਕੈਨੇਡਾ ਫੀਫਾ ਵਰਲਡ ਕੱਪ ਦੇ ਅਗਲੇ ਪੜਾਅ ਵਿਚ ਆਪਣੀ ਥਾਂ ਬਣਾ ਲਈ। ਕੈਨੇਡੀਅਨ ਵਾਈਸ ਕੈਪਟਨ ਸਟੀਫਨ ਵਲੋਂ ਆਖਰੀ ਸਮੇਂ ਦੌਰਾਨ ਪਹਿਲੀ ਤੇ ਫੈਸਲਾਕੁੰਨ ਗੋਲ ਦਾਗ ਕੇ ਕੈਨੇਡੀਅਨਾਂ ਨੂੰ ਅਗਲੇ 16 ਟੀਮਾਂ ਦੇ ਰਾਉਂਡ ਵਿੱਚ ਪਹੁੰਚਾਇਆ।
ਕੈਨੇਡਾ ਹੁਣ 4 ਜੁਲਾਈ ਨੂੰ ਹਿਊਸਟਨ ਵਿੱਚ ਨੀਦਰਲੈਂਡ ਅਤੇ ਮੋਰੋਕੋ ਵਿਚਕਾਰ ਹੋਣ ਵਾਲੇ ਰਾਊਂਡ-ਆਫ-32 ਮੈਚ ਦੇ ਜੇਤੂ ਨਾਲ ਭਿੜੇਗਾ।
ਟੀਮ ਨੂੰ 75ਵੇਂ ਮਿੰਟ ਵਿੱਚ ਹੁਲਾਰਾ ਮਿਲਿਆ ਜਦੋਂ ਕਪਤਾਨ ਅਲਫੋਂਸੋ, ਡੇਵਿਸ ਤਾਜੋਨ ਬੁਕਾਨਨ ਦੀ ਜਗ੍ਹਾ ਮੈਦਾਨ ‘ਤੇ ਆਏ। ਕਤਰ ਨੂੰ 6-0 ਨਾਲ ਹਰਾਉਣ ਅਤੇ ਆਪਣੇ ਗਰੁੱਪ-ਪੜਾਅ ਦੇ ਫਾਈਨਲ ਵਿੱਚ ਸਵਿਟਜ਼ਰਲੈਂਡ ਤੋਂ 2-1 ਨਾਲ ਹਾਰਨ ਦੇ ਬਾਵਜੂਦ ਇਹ ਟੀਮ ਦੀ ਪਹਿਲੀ ਵਾਰ ਨਾਕਆਊਟ ਦੌੜ ਵਿੱਚ ਅੱਗੇ ਵਧਣ ਨਾਲ ਪਹਿਲੀ ਜਿੱਤ ਹੈ। ਕੈਨੇਡਾ ਫੀਫਾ ਦੀ ਰੈਂਕਿੰਗ ਵਿੱਚ 30ਵੇਂ ਸਥਾਨ ‘ਤੇ ਹੈ। ਜਦੋਂ ਕਿ ਦੱਖਣੀ ਅਫਰੀਕਾ 60ਵੇਂ ਸਥਾਨ ‘ਤੇ ਹੈ। ਕੈਨੇਡਾ ਦੇ ਮੁੱਖ ਕੋਚ ਜੇਸੀ ਮਾਰਸ਼ ਨੇ ਖੇਡ ਲਈ ਆਪਣੀ ਸ਼ੁਰੂਆਤੀ ਲਾਈਨਅੱਪ ਵਿੱਚ ਬਦਲਾਅ ਕੀਤਾ, ਟੂਰਨਾਮੈਂਟ ਦੀ ਆਪਣੀ ਪਹਿਲੀ ਸ਼ੁਰੂਆਤ ਲਈ ਡਿਫੈਂਡਰ ਮੋਇਸ ਬੰਬੀਟੋ ਨੂੰ ਸ਼ਾਮਲ ਕੀਤਾ।
ਅੱਜ ਦੇ ਮੈਚ ਦੌਰਾਨ ਲਗਪਗ 69,237 ਖੇਡ ਪ੍ਰੇਮੀਆਂ ਦੀ ਵੱਡੀ ਭੀੜ ਨੇ ਰੈਡ ਸ਼ਰਟਾਂ ਪਹਿਨੀਆਂ ਹੋਈਆਂ ਸਨ। ਕੈਨੇਡਾ ਦੀ ਟੀਮ ਦੀ ਜਿੱਤ ਨਾਲ ਖੇਡ ਮੈਦਾਨ ਲਾਲ ਰੰਗ ਵਿਚ ਰੰਗਿਆ ਗਿਆ।
