ਇਸੇ ਦੌਰਾਨ ਐਬਸਫੋਰਡ ਦੇ ਮੇਅਰ ਰੌਸ ਸੀਮਨਜ ਨੇ ਇਲਾਕੇ ਵਿਚ ਹੜਾਂ ਵਰਗੀ ਸਥਿਤੀ ਅਤੇ ਸਰਕਾਰ ਦੇ ਵਿਹਾਰ ਪ੍ਰਤੀ ਨਿਰਾਸ਼ਾ ਪ੍ਰਗਟ ਕੀਤੀ ਹੈ। ਉਨ੍ਹਾਂ ਨੇ ਫੈਡਰਲ ਸਰਕਾਰ ‘ਤੇ ਵਰ੍ਹਦਿਆਂ ਕਿਹਾ ਕਿ 2021 ਦੇ ਹੜ੍ਹ ਤੋਂ ਬਾਅਦ, ਐਬਟਸਫੋਰਡ ਅਤੇ ਗੁਆਂਢੀ ਨਗਰ ਪਾਲਿਕਾਵਾਂ ਨੇ ਦੁਬਾਰਾ ਹੋਣ ਵਾਲੇ ਨੁਕਸਾਨ ਨੂੰ ਰੋਕਣ ਲਈ ਜ਼ਰੂਰੀ ਨਵੇਂ ਬੁਨਿਆਦੀ ਢਾਂਚੇ ਦੀ ਇੱਕ ਲੜੀ ਦੀ ਪਛਾਣ ਕੀਤੀ ਸੀ, ਪਰ ਉਨ੍ਹਾਂ ਪ੍ਰੋਜੈਕਟਾਂ ਲਈ ਫੰਡਿੰਗ ਲਈ ਬੇਨਤੀਆਂ ਨੂੰ ਸਰਕਾਰ ਵਲੋਂ ਵੱਡੇ ਪੱਧਰ ‘ਤੇ ਅਣਡਿੱਠਾ ਕੀਤਾ ਗਿਆ ।
ਉਹਨਾਂ ਹੋਰ ਕਿਹਾ ਕਿ ਸਾਨੂੰ ਫੈਡਰਲ ਸਰਕਾਰ ਦੇ ਖਾਲੀ ਵਾਅਦਿਆਂ ਦੀ ਲੋੜ ਨਹੀਂ। ਸ਼ੁੱਕਰਵਾਰ ਤੱਕ, ਇਸ ਹਫ਼ਤੇ ਭਾਰੀ ਬਾਰਸ਼ ਕਾਰਣ 450 ਜਾਇਦਾਦਾਂ ਨੂੰ ਖਾਲੀ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਗਏ ਜਦੋਂਕਿ 1,700 ਹੋਰਾਂ ਨੂੰ ਸੁਰੱਖਿਅਤ ਨਿਕਲਣ ਦੀ ਚੇਤਾਵਨੀ ਦਿੱਤੀ ਗਈ। ਚਾਰ ਸਾਲ ਪਹਿਲਾਂ, ਵਾਸ਼ਿੰਗਟਨ ਰਾਜ ਵਿੱਚ ਨੂਕਸੈਕ ਨਦੀ ਆਪਣੇ ਕੰਢਿਆਂ ਤੋਂ ਭਰ ਗਈ ਸੀ, ਜਿਸ ਨਾਲ ਸਰਹੱਦ ਪਾਰ ਅਤੇ ਐਬਟਸਫੋਰਡ ਵਿੱਚ ਪਾਣੀ ਦਾ ਇੱਕ ਵੱਡਾ ਵਹਾਅ ਆਇਆ ਸੀ। 2021 ਦੇ ਹੜ੍ਹ ਨੇ 280 ਮਿਲੀਅਨ ਡਾਲਰ ਤੋਂ ਵੱਧ ਦਾ ਨੁਕਸਾਨ ਕੀਤਾ ਸੀ ਤੇ ਲੱਖਾਂ ਫਾਰਮ ਜਾਨਵਰ ਮਾਰੇ ਗਏ ਅਤੇ ਮੈਟਰੋ ਵੈਨਕੂਵਰ ਅਤੇ ਦੇਸ਼ ਦੇ ਬਾਕੀ ਹਿੱਸਿਆਂ ਵਿਚਕਾਰ ਆਵਾਜਾਈ ਸੰਪਰਕ ਬੰਦ ਹੋ ਗਿਆ ਸੀ। ਸਰਕਾਰ ਨੂੰ ਉਹਨਾਂ ਹੜਾਂ ਤੋ ਸਬਕ ਲੈਂਦਿਆਂ ਹੜ ਰੋਕੂ ਪ੍ਰਬੰਧ ਕਰਨ ਦੀ ਲੋੜ ਸੀ ਪਰ ਲਗਦਾ ਹੈ ਕਿ ਸਰਕਾਰ ਨੇ ਕੋਈ ਸਬਕ ਨਹੀ ਲਿਆ।
