ਸਰੀ ਸਿਟੀ ਚੋਣਾਂ- ਕੈਰੀ ਲਿਨ ਫਿਨਲੀ ਵਲੋਂ ਸਰੀ ਨਾਓ ਟੀਮ ਦੇ ਸਮਰਥਨ ਦਾ ਐਲਾਨ

ਸਮਾਗਮ ਦੌਰਾਨ ਕੈਰੀ-ਲਿਨ ਫਿੰਨਲੀ ਨੇ ਆਉਣ ਵਾਲੀਆਂ ਕੌਂਸਲ ਚੋਣਾਂ ਵਿੱਚ ਟਰੌਏ ਵੈਨ ਵਲੀਅਟ ਅਤੇ ਸਰੀ ਨਾਓ ਟੀਮ ਨੂੰ ਆਪਣਾ ਪੂਰਾ ਸਮਰਥਨ ਦੇਣ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਸਰੀ ਨੂੰ ਅੱਗੇ ਲੈ ਕੇ ਜਾਣ ਲਈ ਮਜ਼ਬੂਤ, ਦੂਰਅੰਦੇਸ਼ ਅਤੇ ਫੈਸਲੇ ਲੈਣ ਵਾਲੀ ਨਵੀਂ ਨਗਰ ਲੀਡਰਸ਼ਿਪ ਦੀ ਲੋੜ ਹੈ।
ਉਨ੍ਹਾਂ ਕਿਹਾ, “ਨਵੀਂ ਲੀਡਰਸ਼ਿਪ ਟਰੌਏ ਵੈਨ ਵਲੀਅਟ ਅਤੇ ਸਰੀ ਨਾਓ ਟੀਮ ਵਾਂਗ ਨੌਜਵਾਨ, ਊਰਜਾਵਾਨ ਅਤੇ ਦੂਰਦਰਸ਼ੀ ਹੋਣੀ ਚਾਹੀਦੀ ਹੈ। ਹੁਣ ਸਮਾਂ ਆ ਗਿਆ ਹੈ ਕਿ ਅਗਲੀ ਪੀੜ੍ਹੀ ਨੂੰ ਅਗਵਾਈ ਦੀ ਜ਼ਿੰਮੇਵਾਰੀ ਸੌਂਪੀ ਜਾਵੇ।”
ਟਰੌਏ ਵੈਨ ਵਲੀਅਟ ਅਤੇ ਸਰੀ ਨਾਓ ਟੀਮ ਨੇ ਕੈਰੀ-ਲਿਨ ਫਿੰਨਲੀ  ਵੱਲੋਂ ਮਿਲੇ ਸਮਰਥਨ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਇਸ ਦੇ ਨਾਲ ਹੀ ਸਮਾਗਮ ਦੀ ਮੇਜ਼ਬਾਨੀ ਲਈ ਐਡਿਥ ਦਾ ਵੀ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ।
ਉਨ੍ਹਾਂ ਕਿਹਾ ਕਿ ਸਰੀ ਨਾਓ ਟੀਮ ਸਰੀ ਦੇ ਲੋਕਾਂ ਨਾਲ ਮਿਲ ਕੇ ਇੱਕ ਊਰਜਾਵਾਨ, ਪ੍ਰਗਤੀਸ਼ੀਲ ਅਤੇ ਜਵਾਬਦੇਹ ਲੀਡਰਸ਼ਿਪ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ ਅਤੇ ਸਿਟੀ ਹਾਲ ਵਿੱਚ ਨਵੀਂ ਸੋਚ ਨਾਲ ਕੰਮ ਕਰਨ ਲਈ ਤਿਆਰ ਹੈ। ਜਿਕਰਯੋਗ ਹੈ ਕਿ ਸਰੀ ਨਾਓ ਟੀਮ ਵਿਚ ਪੰਜਾਬੀ ਉਮੀਦਵਾਰ ਰਾਹੁਲ ਗਿੱਲ ਅਤੇ ਜੱਸੀ ਜੌਹਲ ਕੌਂਸਲਰ ਵਜੋਂ ਉਮੀਦਵਾਰ ਹਨ।